"Mashal": SHohjahon Qilichev oliy ligada debyut uchrashuvini o'tkazdi

Bu o'yinni asosiy tarkibda boshlagan futbolchimiz SHohjahon Qilichev shu kuni Oliy ligada dastlabki o'yinini o'tkazdi. 20 yoshli himoyachimiz bu bahsda 70 daqiqa harakat qildi.

Eslatib o'tish kerakki, Qilichev 17 yoshgacha bo'lgan o'smirlar o'rtasida Osiyo chempioni hisoblanadi.

SHohjahonni birinchi o'yini muvaffaqiyatsiz yakunlangan bo'lsa ham, keyingi o'yinlarda o'zini ko'rsatishiga va jamoamizning asosiy futbolchisi bo'lishiga ishonamiz va omad tilaymiz.

"Debyut o'yinimda bunday natija bo'lishini kutmagan edim. "Andijon"ga qarshi juda ham qiyin o'yin bo'ldi. O'yinimga murabbiylar baho beradi. Eng avvalo aytib o'tishim kerakki, menga ishonch bildirib asosiy tarkibga qo'ygani uchun Aleksandr Xomyakovga minnatdorchilik bildiraman. Bu murabbiydan ko'p narsani o'rganmoqdaman. Keyingi o'yinlarda menga bildirilgan ishonchni to'la oqlash uchun maydonga tushaman", - deydi Qilichev rasmiy saytimizga.