"Mashal" futbolchilari o'yin qoidalari bo'yicha seminarda qatnashdi

PFL har mavsum avvalida Oliy liga klublariga o'yin qoidalari va o'zgarishlar to'g'risida seminar tashkil etadi. "Gazchilar" uchun tashkillashtirilgan yig'ilishni O'zbekiston hakamlar qo'mitasi vakili Bobur Haydarov olib bordi. Seminarda PFL vakili o'yin qoidalari bo'yicha kiritilgan yangi qoidalar va o'zgarishlarni aytib o'tdi. Bu vaziyatlar ekran orqali tahlil qilinib,  mavsum oldidan qoidalar bo'yicha tushunchalar etkazildi. Bahsli vaziyatlar har ikki tomon qarashi bilan o'rganilib,  FIFA reglamenti bo'yicha baholandi. Bu yig'ilishda "Mashal"ning barcha futbolchi va murabbiylari ishtirok etdi.