"Mashal": Davralar oralig'ida o'zgarishlar haqida

"Mashal" bugun Jizzaxning "So'g'diyona" jamoasini qabul qiladi. Ushbu uchrashuv oldidan davralar oralig'ida jamoamizda bo'lib o'tgan o'zgarishlar haqida malumot berib o'tamiz.

Birinchi davradan so'ng 19 ochko to'plagan holda oltinchi pog'onada borayotgan "Mashal" safini uch futbolchi tark etdi.

Jumladan:

Otabek Narzullaev o'yin amaliyotiga kam ega bo'lganligi bois jamoamizni erta tark etdi. Narzullaev ikkinchi davrani "Buxoro" safida davom ettiradi.

Salamat Qutiboev ham jarohatidan so'ng safga qaytishda qiyinchilikka uchradi va ikkinchi davrani bugungi raqibimiz "So'g'diyona" safida o'tkazishga qaror qildi. Bugun Qutiboev "So'g'diyona"dagi ilk uchrashuvini ham aynan "Mashal"ga qarshi o'tkazishi mumkin.

Eldor Ergashev ham birinchi davradan so'ng asosiy tarkibda maydonga tusha olmadi va ikkinchi davrani "Olmaliq"da o'tkazishni maqul topdi.

Jamoamizni boshqa futbolchilar tark etmagan.

Ikkinchi davrada jamoamiz safiga faqatgina SHahzod SHaymanov kelib qo'shildi. SHaymanov aslida "Mashal" futbolchisi bo'lib , o'tgan mavsumni ijara asosida "Andijon" safida o'tkazgan edi. Ikkinchi davrani SHaymanov "Mashal"da davom ettiradi.

Bugun 12:00 da klub akademiyasining majlislar zalida "Mashal" rahbariyati, murabbiylari , fan-klub, muxlislar ishtirokida ikkinchi davra oldidan yig'ilish bo'lib o'tadi. Yig'ilishda SHahzod SHaymanovga o'z formasi taqdim etiladi.