"Mashal-2" mavsumga tayyorgarlik ko'rmoqda

Dilshod Andaev boshqaruvidagi jamoa 15-25 iyul kunlari tog'da o'n kunlik yig'in o'tkazdi. Ushbu yig'indan so'ng mashg'ulotlar Muborakda bo'lib o'tmoqda. Kecha jamoa navbatdagi nazorat uchrashuvini birinchilik vakili "Alanga"ga qarshi o'tkazib,  2:2 hisobida durang qayd etdi. Gollarni Ahror Inoyatov va Fayoz Musurmonovlar kiritdi.

Nazorat uchrashuvi. Muborak

"Mashal-2" - "Alanga" 2:2
Gollar: Ahror Inoyatov, Fayoz Musurmonov

Navbatdagi nazorat uchrashuvi ham "Alanga"ga qarshi  8 avgustda Kosonda bo'lib o'tadi.

"Mashal-2"  tarkibida bazi o'zgarishlar bo'lgan. Jamoani Fozilbek Dexqonov ("Xotira-79"ga), Eldor Xolmirzaev (ikkinchi ligaga), Sunnatillo Xoshimov (nomalum)lar tark etdi. Tarkibga esa yoshlar jamoasidan Temur Mamatov, Jasur Abdurahmonov qo'shilgan. Akademiyamizning 1998 yilda tug'ilgan yoshlaridan Bakir Murtozaev, Rahim SHaripov, Jahongir Maqsudov, Abror Toshqo'zievlar ham birinchi liga jamoasi bilan birga.

Kecha birinchi ligaga qura tashlash bo'lib o'tdi. Unga ko'ra "Mashal-2" dastlabki ikki uchrashuvini safarda 16-19 avgust kunlari "Paxtakor-2" va "Istiqlol"ga qarshi o'tkazadi.