Marseloning diskvalifikaciyasi bir o'yinga qisqartirildi

29 yoshli braziliyalik futbolchi La Liganing 3-turida “Levante”ga (1:1) qarshi bahsda raqib yarim himoyachisi Jeferson Lermaga qarshi qo'polligi uchun qizil kartochka bilan “siylangandi”.

Uchrashuv qaydnomasida hakam Marselo raqib futbolchisi to'p bilan harakat  qilayotgan paytida unga orqasidan zarba berganligini qayd etgan. Musobaqa reglamentida esa bu kabi qo'polliklar uchun bir o'yindan uchta o'yingacha diskvalifikaciya qilinishi ko'rsatilgan.

Futbolchi ushbu qoidaga muvofiq 2 o'yinga chetlatilgan edi. Ammo qirollik klubi ushbu qarorga appelyaciya berdi va natijada Marseloning diskvalifikaciyasi bir o'yingacha qisqartirildi.

Braziliyalik futbolchi Ispaniya chempionatining navbatdagi turid “Real Sosedad”ga qarshi bahsda jamoadoshlariga yordam bera olmasada, undan keyingi turda “Betis”ga qarshi maydonga tushish imkoniyatiga ega.