Mansur Davletov: "Xorazm"ni oliy ligaga olib chiqish uchun bor kuchni ishga solamiz"

Jamoa ayni paytda Toshkentda yig'in o'tkazmoqda. SHu asnoda bosh murabbiy Mansur Davletov bilan suhbatlashdik.

- Poytaxtdagi "Geofizika" qarorgohida yig'in olib bormoqdamiz. Mashg'ulotlar bilan bir qatorda sinov-nazorat uchrashuvlarini ham tashkil etib, futbolchilarning imkoniyatlarini ko'zdan kechiryapmiz", -  deya gap boshladi Xorazm bosh murabbiyi.

- Yig'inni Toshkentga ko'chirganimizdan keyin tarkibimizga bir qator yangi o'yinchilar keldi. Xususan, Ilyos Xayrov, Sanjar Baratov, Allayor Reimov, Nizom Norov singari futbolchilarni ayni damda sinovdan o'tkazyapmiz. Undan tashqari yaqin kunlarda asli urganchlik Temur Bekchanovning ham kelishi kutilmoqda. O'ylaymanki rasmiy bahslar boshlangunga qadar tarkibni shakllantirib, asosiy tarkib o'zagini aniqlab olamiz.

- O'tkazgan o'yinlarimizdan kelib chiqib shuni aytishim mumkinki, hali qilinishi kerak bo'lgan ishlar ko'p. Har bir chiziqda kamchiliklar bor. Ularni bartaraf etish uchun mashg'ulotlarda ishlayapmiz.

- Bu yil rahbariyat oldimizga jiddiy vazifa qo'ydi. Yani unga ko'ra joriy mavsum "Xorazm"ni kuchlilar safiga olib chiqish. Uni bajarish uchun murabbiy sifatida bor bilim va mahoratimni ishga solishga tayyorman. Hammasini mavsum ko'rsatadi.

Islombek Rustambekov suhbatlashdi.