“Manchester Yunayted” sobiq futbolchisi Toshkentda

O'FA "Manchester Yunayted", "Everton", "Fiorentina", "Reynjers", "Manchester Siti" va "Sautgempton" kabi klublarda o'ynagan, Angliya chempioni, Angliya kubogi va Superkubogi sohibi, SHotlandiya chempioni, SHotlandiya kubogi va liga kubogi sohibi bo'lgan rossiyalik sobiq futbolchi Andrey Kanchelskisga qarashli “Xalqaro Xayriya Fondi” bilan hamkorlikda shu yilning iyul-avgust oylarida O'zbekistonda Xotira turnirini tashkil etishni rejalashtirmoqda.

Mazkur musobaqaga aviahalokatga uchragan barcha jamoalar vakillari taklif etiladi va butun O'zbekiston bo'ylab ular bilan o'rtoqlik uchrashuvlari o'tkaziladi. Mazkur Xotira turniridan xayriya maqsadi ham ko'zlangan bo'lib, uchrashuvlardan tushgan mablag'lar aviahalokatga uchragan futbolchilar oila azolariga taqdim qilinadi.