"Manchester Yunayted" Kazemiroga La Ligadan o'rinbosar topdi

"Foot Mercato" malumotlariga qaraganda, mankunianlarning asosiy transfer maqsadi — "Vilyarreal"ning 27 yoshli yarim himoyachisi Papa Guye. "Qizil iblislar" murabbiylar shtabi senegallik futbolchini jamoaning tayanch yarim himoyachisi poziciyasi uchun ideal nomzod deb ko'rmoqda.

Xabar qilinishicha, Guyening bozor qiymati so'nggi Afrika Millatlari Kubogidagi ajoyib o'yinidan keyin sezilarli oshgan, u erda Papa Senegal terma jamoasining haqiqiy qahramoniga aylangan. Uning tayanch hududdagi ishonchli o'yini va jismoniy ko'rsatkichlari Evropaning etakchi klublari etiborini tortgan, ammo hozircha eng katta qatiyatni aynan "Manchester Yunayted" ko'rsatyapti.

Biroq transfer oson bo'lmasligi mumkin, chunki futbolchining "Vilyarreal" bilan bitimi 2028 yilgacha mo'ljallangan. Ispaniya klubi yarim himoyadagi etakchisini arzon narxga qo'yib yubormoqchi emas, ayniqsa, Guyega davogarlar ro'yxati ortib borayotgan bir paytda.