"Manchester Yunayted" "Benfika" yarim himoyachisini kuzatmoqda. Skautlar "Sporting"ga qarshi o'yinni stadiondan tomosha qilgan

Ularning maqsadi "burgutlar" va Portugaliya terma jamoasi yarim himoyachisi Joau Neveshni kuzatish edi. 19 yoshli xavbek o'yinda to'liq harakat qildi va gol urib, sariq kartochka oldi.

Fabricio Romanoning xabariga ko'ra, manchesterliklar skaut bo'limi Neveshni kuzatishda davom etadi. Ehtimoliy transfer masalasi direktorlar kengashida muhokama qilinib, yakuniy qaror qabul qilinadi.

"Benfika" tarbiyalanuvchisi bo'lgan Neveshning amaldagi shartnomasi 2028 yilning yozigacha mo'ljallangan. Bu mavsum xavbek barcha musobaqalarni inobatga olsak, 18 uchrashuvda maydonga tushdi va 1 tadan gol va assist qayd etdi. SHuningdek, 4 bor sariq kartochkaga loyiq ko'rildi. "Transfermarkt" portali portugaliyalikni 20 million evroga baholamoqda.