"Manchester Siti" rahbariyati Osiyo klubini sotib oladi

Xabarlarga ko'ra, muzokaralar yakunlovchi bosqichga etib kelgan. "SHaharliklar" rahbariyati boshqa klublarni ham tanlashi mumkin edi, ammo "Mumbay Siti" ularga eng yoqqan variant bo'ldi.

"Biz haqiqiy futbol hissini uyg'otadigan bir necha bozor va davlatlarga qiziqish bildirdik. Bizni Xitoy va Hindiston ko'proq qiziqtirdi. Ammo biz 2 yildan buyon Hindistonga ahamiyat berayotgan edik. Menimcha, shu yili bu davlat klubiga investiciya kiritamiz", - deydi "Manchester Siti" ijrochi direktori Ferran Soriano.

Aytib o'tish kerakki, "Manchester Siti"ga egalik qiladigan City Football Group "Nyu-York Siti" (AQSH), "Melburn Siti" (Avstraliya), "Torke" (Urugvay) va "Sichuan" (Xitoy) klublariga ham rahbarlik qiladi.

SHuningdek, "Jirona" (Ispaniya) akciyalarining qo'shma nazorat paketi va "Yokogama Marinos" (Yaponiya)ning ham ozchilik akciya paketi aynan shu kompaniyaga tegishlidir.