"Man Siti" Dibalaga yiliga 10 mln evro maosh taklif qiladi. Gvardiola futbolchini jamoasida ko'rmoqchi

"Manchester Siti" argentinalikka yiliga 10 mln evro maosh taklif qilishi mumkin – raqobatchilar ichida eng katta summa. Ushbu transferni "shaharliklar" ustozi Pep Gvardiola istamoqda", — deb yozadi La Gazzetta dello Sport.

28 yoshli futbolchi xizmatlariga "Liverpul", "Tottenxem" va "Inter" ham qiziqish bildirmoqda.

10 mln evro maosh borasida Dibala "Yuventus" bilan deyarli kelishib bo'lgandi, ammo keyinroq Turin klubi shartnoma shartlarini o'zgartirishga qaror qildi. Paulo bilan fevral oyidagi uchrashuvda unga kamroq maosh taklif qilinadi. Tuttosport"ning malumotiga ko'ra, forvardga maoshni 15%ga kamaytirishni taklif qilishadi.

Dibala "Yuventus" safida 2015 yildan buyon harakat qiladi. "Keksa sinora" uni "Palermo"dan 40 mln evro evaziga sotib olgandi. 276 o'yinda Paulo 111 ta gol urishga muvaffaq bo'lgan.