"M-150 Cup". Myanma bilan o'yinda mag'lubiyatdan qutulib qoldik+FOTO
11 dek 2017 22:14
Yangiliklar
"M-150 Cup". Myanma bilan o'yinda mag'lubiyatdan qutulib qoldik+FOTO
O'zbekiston yoshlar terma jamoasi Tailand davlati mezbonlik qilayotgan "M-150 Cup" turniridagi ishtirokini o'ta kutilmagan natija bilan boshladi.
Ravshan Haydarov bosh murabbiyligidagi yulduzli tarkibga ega yoshlarimiz Myanma U-23 terma jamoasiga qarshi maydonga tushib, mag'lubiyatdan qutulib qoldi. Myanmalik futbolchilar 15 va 75-daqiqalarda ikkita to'p kiritishga muvaffaq bo'lishgandi.
Futbolchilarimiz esa 88 hamda hakam tomonidan asosiy vaqtga qo'shib berilgan to'rtinchi (90+4) daqiqada penaltidan gol kiritib, sharmandali mag'lubiyatdan qutulib qolishdi. O'zi aslida Myanma bilan o'yinda durang natija ham biz uchun qoniqarsiz hisob.
Eslatib o'tamiz, guruhdagi dastlabki bahsda Vetnam terma jamoasi Myanmani 4:0 hisobida mag'lubiyatga uchratgan edi.
Fikrlar