Luis Enrike: "Asosiy raqobatchimizni yutishimiz kerak"

Musobaqa jadvalidagi holat to'g'risida berilgan savolga murabbiy shunday javob berdi: "Bu meni qiziqtirmaydi. O'z maydonimizda o'ynaymiz, shu bois 100 ochko orqada bo'lganimizda ham g'alaba uchun maydonga tushardik. Muhim o'yinda muxlislarimizga zavq ulashmoqchimiz".
 
"O'ylashimcha ertaga Zidan kelganidan buyon kuchaygan "Real"ni ko'ramiz. Bu jamoa himoyada juda yaxshi o'ynaydi. Raqib safidagi individual futbolchilar haqida esa barcha biladi. U erda jahon darajasidagi futbolchilar bor. Azaliy raqibimizga qarshi o'z uyimizda o'ynaymiz. Bunday kuchli jamoani mag'lub etish uchun eng yaxshi o'yinimizni ko'rsatishimiz kerak", - deydi Luis Enrike.
 
"Inesta biz uchun juda muhim futbolchi, u jamoa sardori. Biroq bizning taktikamiz faqat bir futbolchi tufayli o'zgarmaydi", - deydi murabbiy.
 
"Bu hal qiluvchi o'yin deganlarga qo'shilmayman. SHaxsan men bu nimanidir hal qiluvchi o'yin deb hisoblamayman. Asosiy raqobatchimiz bo'lgani uchun ham uni mag'lub etishimiz kerak", - deydi Luis Enrike