Lui Van Gal: “Yangi sxemada bir vaqtning o'zida Runi, Van Persi va Matani o'ynata olaman”

“Men raqamlar uchungina futbolchi sotib olmoqchi emasman. Jamoaga foydasi tegadiganlarinigina jamoaga qo'shib olaman. Undan oldin esa yangi sxema bo'yicha jamoaga nima etishmayotganini bilib olishim zarur. Bu borada hozircha bir qarorga kelmadim.

Men Runi, Van Persi va Matani birga maydonda o'ynatish uchun mana shu yangi 5-3-2 sxemasini tanladim. Ammo jamoamizda Xaver Ernandes va Danni Uelbeklar ham bor – ular ham hujum chizig'ida o'ynay olishadi.

Runi hujumchi va huchumchi ortidagi futbolchi sifatida ham o'ynay oladi. U menga yana qanot hujumida o'ynay olishini aytdi, ammo men uni hujum markazida ko'rmoqchiman.
Menda juda ko'p sifatli futbolchilar bor – Runi, van Persi, Mata, Ernandes, Uelbek, Fellayni, Errera – ularning bariga yangi sxemada joy topiladi” – deydi Van Gal.