"Lokomotiv" "Paxtakor" futbolchisi bilan shartnoma tuzdi
15 jan 2018 12:08
Yangiliklar
"Lokomotiv" "Paxtakor" futbolchisi bilan shartnoma tuzdi
Ayni paytda mamlakatimizda jamoalar yangi mavsumga tayyorgarlik ko'rish bilan bir qatorda o'z tarkiblarini ham kuchaytirib borishmoqda.
O'zbekistonning amaldagi chempioni Toshkentning "Lokomotiv" jamoasi shu kungacha "Paxtakor"da to'p tepib kelgan vinger SHerzod Karimov bilan rasman shartnoma imzoladi. Bu haqda "temiryo'lchilar" matbuot xizmati xabar berdi. "Lokomotiv"ning Dubaydagi yig'inida jamoaga kelib qo'shilgan 28 yoshli futbolchi bugun shartnomaga qo'l qo'ydi. U endilikda "Lokomotiv" safida 8-raqam ostida to'p tepadi", - deyiladi klub rasmiy saytidagi xabarda.
Takidlash joiz, ilgari "Qizilqum", "Paxtakor" jamoalari safida faoliyat olib borgan ushbu futbolchi Oliy Ligada 178 uchrashuvda maydonga tushib, 24ta gol urishga muvaffaq bo'lgan.
Eslatib o'tamiz, saytimiz orqali bu transfer haqida 29 dekabr kuni xabar bergan edik.
Fikrlar