Lokomotiv kiberfutbolchisi Osiyo o'yinlarida O'zbekiston sharafini himoya qiladi

O'zbekiston virtual sport o'yinlari va kiberfutbol federaciyasi o'z faoliyatini yanada professional tarzda tashkil etish va xalqaro standartlar talabiga moslashish maqsadida bir qator tashkiliy o'zgarishlarni amalga oshirdi. Endilikda tashkilot O'zbekiston elektron kompyuter sporti federaciyasi deb nomlanadi.

Rivojlanishning yangi bosqichiga qadam qo'yayotgan tashkilot o'z nizomini qayta ko'rib chiqib, unda belgilangan maqsad va vazifalariga o'zgartirishlar kiritgan hamda faoliyat ko'lamini yanada kengaytirgan.

6 avgust kuni federaciya yangi nom bilan Adliya vazirligida davlat ro'yxatidan o'tkazildi. Tashkilotga O'zbekistonda elektron o'yinlar, kompyuter sporti va kiberfutbolni rivojlantirish hamda respublika hududida turnirlarni tashkil etish huquqi berildi. SHuningdek, federaciya ushbu yo'nalishdagi murabbiy va kibersportchilarni tayyorlash bo'yicha ham vakolatli muassasa sifatida belgilab qo'yilgan.

O'zbekiston elektron kompyuter sporti federaciyasi faoliyati davomida Milliy olimpiya qo'mitasi, Jismoniy tarbiya va sport vazirligi hamda Axborot texnologiyalari va kommunikaciyalarini rivojlantirish vazirligining virtual sport turlariga oid qarorlari ijrosini taminlashda faol ishtirok etadi.

Yana bir necha kundan so'ng Indoneziyada boshlanadigan Osiyo o'yinlarida elektron sport yo'nalishi bo'yicha musobaqa tajriba-sinov tariqasida ilk marta o'tkaziladi. Unda Elektron kompyuter sporti federaciyasi azosi, Toshkentning «Lokomotiv» jamoasi kiberatleti Sanjar Usmonov O'zbekiston sharafini himoya qiladi. Malumot uchun, 2022 yilgi Osiyo o'yinlarida kibersport rasman musobaqa dasturidan o'rin oladi va unda kibersportchilar medallar uchun kurash olib boradilar.

Yaqin yillar ichida esa sportning bu turi Olimpiada dasturiga ham kiritilishi mumkin.