Leonid Senkevich: “Safardagi g'alaba futbolchilarimizga o'zlariga bo'lgan ishonchni qaytarishga xizmat qiladi”

Biz bugun ikkinchi davra qozonilgan dastlabki g'alabamizdan judayam mamnunmiz. Bu g'alaba klubimiz rahbariyati, murabbiylar shtabi, futbolchilarimiz, umuman barcha jamoamiz azolarini xursand qiladi. Bugungi o'yinni o'zinglar ko'rib guvoh bo'ldinglar, bizni g'alabamiz tasodifiy bo'lmadi, juda qiyin, bellashuvlarga boy yaxshi o'yin o'tkazdik. Bugun jamoamiz futbolchilari uchrashuv oldidan berilgan ko'rsatmalarni juda yaxshi bajarishdi, o'yinimiz rivojlanib borayotganidan xursandmiz. Albatta bugun jamoamiz rahbari uchrashuvni stadiondan kuzatmadi, lekin biz unga qo'ng'iroq qilib aytamiz, biz g'alaba qozondik deymiz, u bundan xursand bo'lishi tayin. 

Bu g'alaba futbolchilarmizni o'zlariga bo'lgan ishonchni qaytarishga, keyingi uchrashuvlarda maydonga kuchli ishtiyoq bilan tushishlariga xizmat qiladi. Yana takrorlayman, bugungi uchrashuv uchun barcha futbolchilarimizga, murabbiylar shtabiga, yordamchilarimga minnatdorchilik bildiraman. Bugun ko'rsatgan o'yinimizdan qoniqish hosil qildim. “Iftixor” jamoasiga keyingi uchrashuvlarda omad tilayman!

Bekzod Tolibov yozib oldi.