Legionerlar. SHukurovda golli uzatma, Gadoevda esa dubl
23 fev 2020 13:30
Yangiliklar

Legionerlar. SHukurovda golli uzatma, Gadoevda esa dubl

BAA Prezidenti Kubogining 1/4 bosqichi doirasida “SHarja” mehmonda “Al Ittihod Kalba” jamoasiga qarshi to'qnash kelib, 2:0 natijasi bilan zafar quchdi.

Bahsni asosiy daqiqalardan boshlagan “SHarja” xavbeki Otabek SHukurov 63-daqiqada jamoadoshi Ali Al Xonxoniga chiroyli pas berdi va u bundan unumli foydalanib, raqib darvozasini ishg'ol etdi.

Yana bir gol esa Majid Surur hisobiga yozilgan.

SHu tariqa, “SHarja” musobaqaning yarim finaliga yo'l oldi. Ularning final ostonasidagi raqibi esa “Al Ain” bo'ladi. Ikkinchi yarim finalda “Baniyas” – “Al Dafra” bahsi bo'lib o'tadi. Mazkur bellashuvlar 10 mart sanasiga belgilangan.

BAA Prezidenti Kubogi. 1/4 final.
“Al Ittihod Kalba” - “SHarja” 0:2 (0:0, 0:2)
"Ittihod Kalba Klub" o'yingohi
Gollar: Surur 59, Ali 63.

Ozarbayjon Premer-ligasining 18-turida “Keshla” o'z maydonida “Zira”ni qabul qilib, yirik hisobda (4:0) zafar quchdi. Mezbonlar tarkibida harakat qilayotgan o'zbekistonlik futbolchi SHoxrux Gadoev 19 hamda 71-daqiqalarda to'p kiritib, dublga erishdi. Bu Gadoevning yangi jamoasi libosidagi ilk gollari bo'ldi.

Mazkur g'alabadan keyin “Keshla” ochkolari sonini 29taga etkazib, turnir jadvalida evrokuboklarga yo'llanma beruvchi 3-o'ringa ko'tarildi.

Ozarbayjon Premer-ligasi. 18-tur.
"SHafa" o'yingohi.
"Keshla" - "Zira" 4:0 (2:0, 2:0)
Gollar: Gadoev 19, Isgandarli 45, Gadoev 71, Azadov 90.