“Laxviya” chempionlik masalasini keyinroqqa qoldirdi

“Bunyodkor”ning Osiyo CHempionlar ligasidagi raqibi “Laxviya” klubi ushbu tur doirasida autsayderlardan biri “Al-SHahaniya” jamoasini qabul qildi. Qo'lga kiritiladigan har qanday hisobdagi g'alaba Mikael Laudrup va uning jamoasini muddatidan avval Qatar chempionligiga etaklar edi. Biroq shu kuni “Laxviya” futbolchilari arang durang natija qayd eta olishdi. Qiziqarli kechgan bahs 3:3 hisobida yakun topdi. “Laxviya”ning gollariga Yosir Msakni 2ta va Luis Seara mualliflik qilishdi.

SHu tariqa, Mikael Laudrup shogirdlari 8 aprel kuni “Bunyodkor” bilan CHempionlar ligasi doirasida bo'lib o'tadigan bahsgacha kutilgan chempionlikni rasmiylashtira olishmadi.

Qatar yulduzlar ligasi
24-tur. 04/04/2015
“LAXVIYA” – “AL-SHAHANIYA” 3:3 (2:2)
Gollar: Varkez 22 penalti (0:1), Msakni 24 (1:1), Luis Seara 39 (2:1), Fahad Xalfan 44 (2:2), Fahad Xalfan 52 (2:3), Msakni 90+1 (3:3)
“Laxviya” tarkibi: 40.Lekomte-Addani, 2.Muhammad Musa, 4.CHiko Flores (14.Muhammad Tresor 68), 5.Muhammad Razzoq, 9.Abdulrahmon Mohd, 6.Deym Traure, 8.Luiz Seara, 10.Tay Xi Nam, 20.Ali Xassan, 28.Yosir Msakni, 70.Ismoil Muxammad (79.Vladimir Vayss 68)

Eslatib o'tamiz, “Laxviya” – “Bunyodkor” uchrashuvi 8 aprel kuni Toshkent vaqti bilan soat 21:30da boshlanadi.