"Laporta borgan sari Trampga o'xshab qolmoqda" - Viktor Font "Barselona"dagi yangi mojarolarga munosabat bildirdi

Font Laportaning boshqaruv uslubini AQSH prezidenti Donald Trampga qiyosladi.

Ayblovlarga raddiya:

Font o'zi va uning jamoasi ushbu moliyaviy mojarolarga aloqador emasligini keskin takidladi:

"Men bu ishlarga aloqadorligimizni qatiyan inkor etaman. Bizning yagona orzumiz — «Barselona»ning sud mashmashalariga aralashib qolmasligi. Neymar, Negreyra, Bartogeyt... Bu kabi voqealar klub obro'siga faqat zarar etkazadi".

Laporta va Tramp o'xshashligi:

Viktor Fontning fikricha, Laporta vaziyatni o'nglash o'rniga xayoliy dushmanlar bilan kurashmoqda:

"Laporta kun sayin Trampga ko'proq o'xshab bormoqda. U xayoliy dushmanlarni qidiradi va odamlarni aldaydi. Ular bizni bu jangga tortmoqchi, lekin men shunchaki «Barselona» muxlisiman. Ular mening nomimni qora qilishni istashyapti".

Klub kelajagidan xavotir:

Font Ispaniyadagi sud tizimi va klubning avvalgi jazolarini ham eslatib o'tdi:

"Biz shunday mamlakatda yashayapmizki, go'yoki hamma bizning azoblanishimizni istaydigandek. Klub bir marta hukm qilingan. Bunday sharoitda qaysi hakamning qo'liga tushib qolishingni bilmaysan", — dedi Font "RAC1" efirida.

"Barselona"da prezidentlik saylovlari yaqinlashgani sayin, nomzodlar o'rtasidagi "so'z jangi" yangi bosqichga chiqmoqda.