"Lacio" vingeri "Yuventus"ga o'tishi mumkin

Rimning "Lacio" klubi vingeri Felipe Anderson Turinning "Yuventus" jamoasiga o'tishi mumkin, deya xabar berdi "Tuttomercatoweb".

Xabar qilinishicha, "keksa sinora" 31 yoshli Andersonga yiliga 4 million evro maosh, bonuslar bilan birga uch yillik shartnoma taklif qilgan. SHu bilan birga, "Lacio" braziliyalik futbolchiga yiliga 2,5 million evro to'lashga tayyor. Amaldagi shartnomasi shu yozda tugaydigan vinger "Yuventus" bilan shartnoma imzolashga tayyor.

Felipe Anderson joriy mavsum "Lacio" tarkibida 44 ta o'yinda maydonga tushib, 5 ta gol urdi va 7 ta golli pas uzatdi.