Kruzning sabri chidamayapti

Malumki, ushbu futbolchi bazi sabablarga ko'ra avvalgi ikkita mundialni o'tkazib yuborgandi. Afrikada bo'lib o'tgan 2010 yilgi musobaqa paytida Kruz 21 yoshda edi va raqobat tufayli tarkibga kira olmagandi. JCH-2014da esa jarohati sabab ro'yxatdan qolib ketgandi.

Mana endi uning ham omadi keldi va jahon chempionatiga borishga astoydil tayyorgarlik ko'rmoqda. "Men bir nechta jarohatlarni hatlab o'tdim, - deydi terma jamoa safida 63ta o'yin o'tkazgan futbolchi. - To'g'risini aytsam, sabrim chidamayapti, mundial tezroq boshlansa bo'lardi".

Hozirda Germaniyaning "Boxum" klubida faoliyatini davom etttirayotgan 29 yoshli futbolchi yana shularni qo'shimcha qildi: "Menga yangi murabbiyimizning taktikasi yoqdi. Biz asosan qarshi hujumlar ustida ishlayapmiz, chunki jahon chempionatida hamisha hujumkor futbol namoyish etishning imkoni yo'q".

"CHexiya bilan o'rtoqlik uchrashuvida aynan qarshi hujumlardan samarali foydalanganimiz uchun 4:0 hisobida zafar quchdik. Menimcha, bu uslub jahon chempionatida ham qo'l keladi. Navbatdagi nazorat bahsini Vengriyaga qarshi o'tkazamiz. Bu biz uchun JCH oldidan so'nggi tayyorgarlik bo'ladi".