Krishtianu Ronaldu meros hujjatlariga o'zgartirish kiritdi

O'tgan payshanbada Krishtianu o'z advokatlari bilan uchrashib, so'nggi ikki yilda ilk marotaba meros hujjatiga o'zgartirishlar kiritdi.

Ronaldu meros hujjatiga sevgan ayoli Jorjina Rodriges, (Jorjina dunyoga keltirgan) qizi Alana Martinu va jiyanlarini qo'shib qo'ydi. Malumotlarga ko'ra, futbolchining ayni damdagi boyligi 300 mln. evroni tashkil qiladi.

Avvalgi meros hujjati 2017 yilda yozilgan, o'sha paytda Krishtianu va Jorjina uchrashishni boshlagan, ammo qizaloq dunyoga kelmagan edi. Ikki yil o'tib Ronaldu hujjatlarga o'zgartirish kerak deb hisobladi.

Hujjat bo'yicha, asosiy merosxo'r - futbolchining onasi Doloresh Aveyru hisoblanadi. Agar merosxo'rlarning birortasi pul sarflashni istasa, buni Doloreshdan so'rab amalga oshiradi.

Bu Jorjina uchun yomon yangilik. Malumotlarga ko'ra, Ronalduning onasiga uning kelini yoqmas ekan.

Sabablar ikkita: 1) Ronaldu Jorjinadan 9 yoshga katta; 2) Model portugal tilini o'rganishga shoshilmayapti. Doloreshga Jorjinaning ochiq kiyimdagi fotosessiyalari ham yoqmasa kerak.

Rodrigesning o'zi bunga munosabat bildirmay, o'zini ideal onadek tutmoqda. U Ronalduga qiz tug'ib berdi, surrogat onadan dunyoga kelgan yana uch farzandni tarbiyalayapti, uydan ishlab, oilaga katta vaqt ajratmoqda.

Bundan tashqari, ispan nashrlari bu oilaning yana ikkita voqeasi haqida yozishdi. Jorjina o'tgan haftada ijtimoiy tarmoqqa qo'ygan suratida Ronalduni "erim" deb atadi - bu juftlik yashirincha nikohdan o'tgan bo'lishi mumkin. SHu bilan birga Jina qornini yashirishga urinmoqda, tez orada Krishtianuning beshinchi farzandi dunyoga kelishi mumkin.