Kris Vud: “Terma jamoa yig'ini professional hayotda tanaffus degani emas”

“Lester Siti” hujumchisi Kris Vud yig'in va kutilayotgan bahs haqida fikrlarini bildirdi.

22 yoshli hujumchi terma jamoada 34 bor o'ynab ulgurgan. U “Everton”ga qarshi o'yinda jamoasiga bir ochko keltirgan gol muallifiga aylandi.

“Premer-ligada o'ynashni orzu qilardim. Bunga etishganimdan xursandman. Zaxiradan tushib to'p kiritganim esa yanada yoqimli bo'ldi. Bu men qilishim kerak bo'lgan ish edi. Oldinda meni katta mavsum kutib turibdi. Yangi saviyaga chiqishim uchun munosib sinov borligini his qilyapman. Faollashish, o'sish vaqti keldi. Oldinga qadam tashlashga chaqiriqni his etyapman”.

“O'zing kerak bo'lgan jamoada to'p tepish muhim. “Lester” men uchun shunday jamoa. Bor etiborimni klubga qaratib, mavsum mobaynida jamoaga foyda keltirish va asosiy tarkib futbolchisiga aylanish uchun harakat qilaman”.

Terma jamoaga jalb etilishi yuzasidan Vud quyidagi fikrlarni takidlab o'tdi.
- Qadrdon yigitlar orasida bo'lish yoqimli. Biz uyushqoq jamoamiz va har safar terma yig'inini xursandchilik bilan qarshi olamiz. Ular bilan birgalikda o'sib boryapmiz. Yillar o'tishi bilan bir-birimizni yaxshi bilib boryapmiz, jamoa sifatida birlashyapmiz. Terma jamoa yig'ini professional hayotda tanaffus degani emas, aksincha bu qadrdonlarining ko'rish, ular bilan suhbatlashish va hazillashish, mamlakat jamoasi oldiga qo'yilgan vazifani birgalikda hal qilish demakdir.


Behzod Nazarov