Koronavirus Info. O'zbekistonda koronavirus infekciyasidan sog'ayganlar soni 225 nafarga etdi

Bugun Buxoro viloyati ixtisoslashgan tibbiyot muassasasidan 10 nafar koronavirus infekciyasiga chalingan bemor butkul sog'aydi va reabilitaciyaga kuzatildi.

Sog'ayganlarning 9 nafari erkak, 1 nafari ayol. Ularning 3 nafari Samarqand viloyatidan, 2 nafari Qashqadaryo viloyatidan, Toshkent shahri, Navoiy, Surxondaryo, Jizzax va Andijon viloyatlaridan esa 1 nafardan.

Bemorlar orasida eng yoshi kattasi 55 yoshda bo'lsa, eng yoshi kichigi 19 yoshda.

Toshkent shahridagi Epidemiologiya, mikrobiologiya va yuqumli kasalliklari ilmiy-tekshirish instituti klinikasida koronavirus infekciyasiga chalingan navbatdagi 10 nafar bemor butkul sog'aydi.

Tuzalganlarning 6 nafari poytaxtdan, 3 nafari Toshkent viloyatidan va 1 nafari Qashqadaryo viloyatidan.

Bemorlarning 6 nafari erkak, 4 nafari ayollar. Ular orasida eng yoshi kattasi 61 yoshda bo'lsa, eng yoshi kichigi 13 yoshda.

Toshkent tibbiyot akademiyasi ko'p tarmoqli klinikasidan ilk bor koronavirus infekciyasiga chalingan 11 bemor butkul sog'aydi.

Bemorlardan 7 nafari erkak, 4 nafari ayol. Ulardan 4 nafari poytaxtimizdan, yana 4 nafari Toshkent viloyatidan, 2 nafari Farg'ona va 1 nafari Andijon viloyatidan. Eng yoshi kattasi 51 yoshda bo'lsa, eng yoshi kichigi 23 yoshda.

Hozirga qadar yurtimiz bo'ylab koronavirus infekciyasidan jami 225 nafar bemor to'liq sog'aydi.

#uydaqoling

#vahimasizkarantin