Konte kechagi o'yindan keyingi matbuot anjumanida yondi!

"Kuchli, raqobatbardosh jamoa bo'lishni, doimo g'oliblik uchun kurashishni istasangiz, asosiysi yurakda, ko'zda olov bo'lishi kerak. Har soniyada maydonda olov sochish kerak. Har soniyada!

O'tgan mavsum bilan solishtirganda biz yanada kuchliroq bo'lishimiz kerak edi, biroq biz borgan sari taslim bo'lib boryapmiz. Qachonki jamoaviylik yo'qolsa, raqib istagan ishni qiladi. "Sautgempton"ga qarshi o'yin - so'nggi misol. Biz Angliya Kubogida yoshlari bilan o'ynagan "SHeffild"ga mag'lub bo'ldik. Biz kuchli tarkib bilan o'ynadik va Angliya Kubogidan chiqib ketdik. Bunday holatlar ko'p bo'lgan. Takrorlayman, biz umuman o'smaymiz. Gap taktika yoki texnika haqida ketmayapti.

Biz muxlislarimiz faxrlanishi uchun o'ynashimiz kerak. Biz katta ishtiyoq bilan o'ynashimiz kerak. G'alabalar uchun ko'zda olov bo'lishi kerak. Agarda shunday bo'lganida biz Angliya Kubogidan chiqib ketmasdik. Agarda shunday bo'lganida biz "Sautgempton"ni mag'lub etardik. Agarda bu oldinroq bo'lganida ishlar boshqacha ketardi.

Ammo biz bunga ko'nikib ulgurganmiz. Klub, bu erda ishlayotgan har bir murabbiy transferlar bo'yicha javobgarlikni bo'yniga olishi kerak. Futbolchilarchi? Futbolchilar? Qani ular? Mening tajribamga ko'ra ular o'sishlari, rivojlanishlari kerak edi. Lekin biz raqobatbardosh bo'lishni istamayapmiz. Bu holat bizda yomon, yomon, juda yomon darajada. Men maydonda o'zi uchun shunchaki yugurib yurgan 11 futbolchini ko'rib turibman", - dedi Konte.