Konte: “Bunday o'yinlarda raqibni ilk soniyalardan “o'ldirish” kerak”

“Albatta, natija u qadar yaxshi emas va hafsalamiz pir bo'ldi. Bu og'riqli holat, chunki bunday o'yinlarni ilk soniyalardan yaxshi boshlab, raqibni “o'ldirish” kerak. Agar umid bersangiz, ularning o'yinda o'ziga bo'lgan ishonchi ortadi va yaxshi harakat qilishadi. Keyin esa istalgan narsa sodir bo'lishi mumkin.

Avvalo shuni aytishim kerakki, “Midlsbro” yaxshi o'ynadi. Ular xurmatga loyiq, ularni g'alaba bilan tabriklamoqchiman. Biz esa o'z o'yinimiz, ko'rsatgan darajamiz haqida o'ylashimiz lozim. Safarda o'tgan uchrashuvlarda bahs natijasini oldindan hal qilishga harakat qilish zarur.

Bu ish jarayonining bir qismi hisoblanadi. Ko'tarilish va pasayishlardan qochishga intilishimiz kerak. Vaziyatni yaxshilashning yagona yo'li esa ko'proq mehnat qilish va mag'lubiyatlardan saboq olishdir. Mavsumning qolgan qismiga bor kuchimizni sarflashimiz lozim”, deydi Konte.