Klublar o'rtasidagi JCH. Beshinchi o'rin uchun o'yinda Ermatov videoassistent bo'ladi
12 dek 2017 08:44
Yangiliklar

Klublar o'rtasidagi JCH. Beshinchi o'rin uchun o'yinda Ermatov videoassistent bo'ladi

SHu yilning 6 dekabr kuni Birlashgan Arab Amirliklarida Klublar o'rtasida Jahon CHempionati boshlandi.

O'zbekistonlik FIFA referisi Ravshan Ermatov ushbu musobaqada ishlayotganidan xabaringiz bor. Hamyurtimiz chorak finaldan o'rin olgan Meksikaning “Pachuka” va Marokashning “Vidad Kasablanka” jamoalari o'rtasidagi uchrashuvida bosh hakam vazifasini bajargandi.

Bugun musobaqaing beshinchi o'rini uchun bahsda "Vidad Kasablanka" va "Urava Red Daymonds" klublari maydonga tushishadi. Mazkur o'yinni Matt Konger (Yangi Zelandiya) boshchiligidagi hakamlar boshqarib borishadi. Ravshan Ermatov va Jahongir Saidov esa videoassistent sifatida ishlashadi.

Uchrashuv 12 dekabr kuni Toshkent vaqti bilan soat 19:00da boshlanadi.

Bundan tashqari bugun dastlabki yarim final uchrashuvi bo'lib o'tadi. Unda Braziliyaing "Gremio" hamda Meksikaning "Pachuka" klublari to'qnash kelishadi. Bu o'yin soat 22:00da start oladi.

Ertaga "Al Jazira" - "Real Madrid" uchrashuvi o'tkaziladi.