Kirill Pogrebnyak: "Lokomotiv"ga g'oliblik ruhini qaytarishda yordam bermoqchiman"

- "Lokomotiv" mening oldimga konkret taklif bilan chiqdi. Garchi oldimda bir necha takliflar bo'lishiga qaramasdan, "Lokomotiv" menga qiziqroq tuyuldi. Keyinchalik klub rahbariyati, murabbiylar shtabi bilan gaplashdim. Qiziqarli muloqotlar bo'ldi. Klub doimo o'z oldiga yuqori maqsadlarni qo'yadi. SHu boisdan taklifni qabul qildim. Toshkent shahri ham menga yoqdi. Hozircha barcha jihatlar - jamoa, klub, shahar va murabbiylar shtabi haqida ijobiy fikrlar ayta olaman.

"Istiqlol"ga qarshi o'yin omadsiz o'tdi. Endi bu bahsni miyamizdan chiqarib tashlab, navbatdagi o'yinlarga tayyorgarlik ko'ramiz. O'sha kuni nimalarga qodir ekanligimizni ko'rsatish juda qiyin bo'ldi. oldinga harakatlanishda davom etamiz. Ham chempionatda, ham kubok bahslarida futbolchilar oldida katta vazifalar qo'yilgan.

"Lokomotiv"dagi asosiy maqsadim - g'alabalarga katta hissa qo'shib, jamoaga g'oliblik ruhini qaytarishga yordam berish. Bu istalgan futbolchi va istalgan jamoa uchun juda muhim. SHu boisdan oldimizdagi har bir o'yinda 100 foiz kuchimizni sarflab, maksimal natija qayd etishni istaymiz.