Kim Bo Yong: "Janubiy Koreya futboli top-darajada, ammo o'zbek futboli darajasi ham juda yuqori"

Janubiy koreyalik futbolchining yurtimizda qolish-qolmasligini bilish uchun u bilan bog'landik.

– "Turon" jamoasidan qachon va qanday qilib taklif oldingiz?

– Birinchi navbatda, o'zimni legioner sifatida sinab ko'rmoqchi edim va takliflar ichidan O'zbekiston variantini tanlab, shu erda faoliyat yuritishni lozim deb topdim.

– Superliga haqida taassurotlaringiz qanday? Janubiy Koreya va O'zbekiston futboli orasida katta farq bormi?

– Janubiy Koreya futboli top-darajada, ammo o'zbek futboli darajasi ham juda yuqori. Hatto o'zbek va koreys futbolchilarining texnikasi bir xil. Biroq koreys futbolida mashg'ulot va vitaminizaciyada yaxlit tizim mavjud, shuning uchun ham bizning futbol evropalashgan.

– Odatda janubiy koreyalik futbolchilarni Superligamizda kam ko'ramiz. Ular bu erga kelishsa ham, ko'p ushlanib qolishmaydi. Buning sababi nimada deb o'ylaysiz?

– O'ylashimcha, gap ovqat va ob-havoning har xilligida. Boshida men xam qiynalgan edim.

– O'zbekistonga kelib, to'liq mavsum o'tkazishingizga nima turtki bo'ldi?

– Men O'zbekistoni juda yaxshi ko'raman. O'zbekistonga mehrim bo'lakcha, bu erda baxtli hayot kechirmoqdaman.

– Jamoada eng yaqin do'stingiz kim?

– Fozil Musaev va Vladislav Kasminin.

– Yaypan, Toshkent va umuman, yurtimiz haqida taassurotlaringiz?

– Tug'risini aytganda, Yaypanda juda qiynaldim, ammo menga Toshkentda koreyslar ko'pligi juda yoqdi va o'zbek xalqi ham juda mexmondo'st ekan.

– Hozirgi kunda  nimalar bilan bandsiz?

– Ayni paytda Janubiy Koreyada oilam bag'rida hordiq chiqaryapman.

– Yurtimizda qolish niyatingiz bormi?

– O'zbekistonni juda yoqtiraman va o'sha erda qolmoqchiman. Takliflar ham bor, ko'ramiz.

Uchqunbek suhbatlashdi