Kellini Bonuchchining "Yuventus"ga qaytishi haqida fikr bildirdi

"Bonuchchi mening do'stim. Tatilni u va uning oilasi bilan o'tkazdim. Leonardo ajoyib futbolchi, ammo uning "Yuventus"ga qaytishi so'roq ostida. Hammasi oddiy emas. Men esa jamoadoshlarimni hurmat qilishim kerak. "Yuventus" prezidenti yoki sport direktori emasman, shunchaki vaziyatni kuzataman.

Krishtianu Ronaldu haqida to'xtaladigan bo'lsam, bu transferga ishonmagan edim. Ammo rahbarlarimiz qo'lidan kelmaydigan ish yo'q. "Yuventus" rivojlanib bormoqda. Bizga Krishtianudek chempion kerak edi. U safimizga qo'shilganidan xursandmiz" - deydi Kellini.