Karlo Anchelotti: “Real” meni hayratda qoldirishda davom etmoqda”

“Men “Real” klubiga befarq bo'lmagan insonlarni katta g'alaba bilan tabriklayman. Yigitlar ajoyib o'yin namoyish etishdi. Agar hamma maydonda birdek ter to'ksa va jamoangizda individual mahorati yuqori futbolchilar bo'lsa, tabiiyki, natija bugungidek ijobiy krinishda bo'ladi.

Biz bugungi o'yin oldidan standart vaziyatlarga katta etibor qaratdik va buning ustida mashg'ulotlarda ishladik. “Bavariya”ning aynan jarima maydonchasi ichida bu borada muammolari borligini bilar edik.

Ramos o'zi va jamoasi uchun ajoyib mavsumni o'tkazyapti. Ayni paytda uni dunyoning eng yaxshi himoyachisi, deya olaman. Menga himoyachilarimizning bexato o'yini va o'z vaqtida hujumga qo'shilishi maqul keldi.

Men avval ham Myunxenda g'alaba qozonganman. Bugun buni yana bir bor takrorladik. Bu eng muhim jihat emas. Muhimi, “Real” 12 yillik tanaffusdan so'ng, nihoyat, ushbu nufuzli turnirning finalida o'ynaydi. Lissabondagi yagona o'yinda maydonga chiqib, boshlagan ishimizni yakunlab qo'yishimiz kerak.

Ochig'i, finalda kim bilan to'qnash kelishni o'ylamayapman. “CHelsi” tajribali jamoa. “Atletiko” esa bunday katta turnirdagi g'alabalarga chanqoq klub. Biz endi finaldamiz, raqib qaysi jamoa bo'lishining esa farqi yo'q”, - deydi italiyalik mutaxassis.