Kapadze, Karpenko, Aliqulov, Karimov kabi sobiq futbolchilar OFKning xalqaro "A" sertifikati uchun murabbiylik o'quv kursida qatnashishmoqda
26 okt 2018 15:53
Yangiliklar

Kapadze, Karpenko, Aliqulov, Karimov kabi sobiq futbolchilar OFKning xalqaro "A" sertifikati uchun murabbiylik o'quv kursida qatnashishmoqda

Teglar : OFK O'FA

O'zbekiston futbol associaciyasi maydonida OFKning xalqaro "A" sertifikati uchun murabbiylik o'quv kursi bo'lib o'tmoqda.

Ushbu o'quv kursi 18 noyabr kuniga qadar davom etadi. O'quv kursida 24 nafar murabbiy ishtirok etyapti.

O'quv kursini FIFA va OFK instruktori Islom Ahmedov olib bormoqda. Unga koordinator Oybek Davletmuratov yordam beryapti. Ushbu kurslarni muvaffaqiyatli tamomlaganlar 2019 yildan boshlab Pro-ligada bosh murabbiy, Superligada yordamchi murabbiy, terma jamoalarda esa murabbiy bo'lib ishlash huquqini qo'lga kiritadilar.

Ushbu o'quv kurslarida yaqin o'tmishning mashhur futbolchilari, hozirgi kunda murabbiylik sohasida faoliyat olib borayotgan Temur Kapadze, Viktor Karpenko, Asror Aliqulov, Nematullo Quttiboev, Xayrulla Karimov, Abdumajid Toirov kabi futbolchilar ishtirok etishyapti.

O'quv jarayonida nazariy va amaliy mashg'ulotlar olib borilmoqda. O'qish yakunida ishtirokchilar amaliy va nazariy imtihonlar bilan birga o'zlariga yuklatilgan vazifani taqdimot shaklida himoya qilishadi.