Jezus: "Siti"ga faqatgina Gvardiola sabab o'tganman"

Men faqatgina Xosep Gvardiola sabab "Manchester Siti"ga o'tishga qaror qildim.

"Menda boshqa klublardan ham takliflar bor edi, hususan issiqroq o'lkalardan. Lekin, men faqatgina Xosep Gvardiola sabab "Manchester Siti"ga o'tishga qaror qildim.

Men birinchi marotaba tilini umuman bilmaydigan va sovuq mamlakatga keldim. Bunday chaqiruvda qiyinchiliklar bo'ladi, qaerdadir o'zingizni yolg'iz his qilishingiz ham mumkin.

Har qanday holatda ham, janob Gvardiola meni taklif qilsa, darhol o'sha erga o'tishga rozi bo'laman. U menga ishonayotganini va men "Siti"ning kelajagi ekanligimni aytdi.

O'sha qo'ng'iroq men uchun juda muhim bo'lgan. CHunki, u kelajagim o'zi uchun qiziq ekanligini menga ko'rsata olgan.

Gvardiola samimiy ekanligini aytishim mumkin. Futbolda ko'p narsani anglatadi", - dedi Jezus.