JCH-2022 saralashdagi raqibimiz Saudiya Arabistoni bugun to'liq tarkibda yig'ildi

JCH-2022/Osiyo Kubogi-2023 saralash bosqichidan o'rin olgan mazkur bellashuvga qiziqish katta. Kelasi haftaning payshanba kuni "Paxtakor" stadionida bo'lib o'tadigan bahsda o'yingoh to'lishi kutilyapti. 

Raqibimiz Saudiya Arabistoni bugun to'liq tarkibda yig'ildi. Bilasiz, kecha "Al Hilol" OCHL birinchi final o'yinida maydonga tushib, "Urava Reds" ustidan 1:0 hisobida g'alaba qozondi. Bu klubdan terma jamoa 7 futbolchi taklif etilgan bo'lib, olti nafari kechagi o'yinda ishtirok etdi. 

SHu bois terma jamoa "Al Hilol" futbolchilarisiz mashg'ulot o'tkazib kelayotgandi. Bugun esa saudiyaliklar to'liq jam bo'lishdi. Terma jamoa Toshkentga parvoz qilishdan oldin Saudiya Arabistoni futbol federaciyasi rahbariyati futbolchi va murabbiylar shtabi bilan uchrashdi.