JCH-2018 saralashidagi O'zbekistonning guruhdoshi KXDR bilan durang o'ynadi
07 iyu 2017 08:39
Yangiliklar

JCH-2018 saralashidagi O'zbekistonning guruhdoshi KXDR bilan durang o'ynadi

Teglar : Qatar KXDR

O'zbekiston milliy terma jamoasining JCH–2018 turniriga saralash bosqichi “A” guruhidagi guruhdoshi Qatar terma jamoasi KXDRga qarshi o'rtoqlik uchrashuvini o'tkazdi.

Gollarga boy bo'lgan o'yinda 2:2 hisobidagi jangovar durang qayd etildi. Avvalroq “A” guruhi ishtirokchilaridan Suriya terma jamoasi Ummon bilan (1:1) durang o'ynagani, Eron termasi esa Podgorica shahrida CHernogoriyani 2:1 hisobida mag'lubiyatga uchratgani haqida xabar berilgandi.

O'z navbatida O'zbekiston terma jamoasi Toshkentda Tailand futbolchilari bilan o'rtoqlik o'yini o'tkazib, 2:0 hisobida g'alaba qozondi. Yuqoridagi barcha o'yinlar JCH–2018 “A” guruhi 8-turiga tayyorgarlik vazifasini o'tadi.

Eslatib o'tamiz, “A” guruhi 7-turidan keyin Eron 17 ochko bilan peshqadamlik qilayotgan bo'lsa, 13 ochko jamg'argan Janubiy Koreya ikkinchi pog'onada bormoqda. O'zbekiston terma jamoasi 12 ochko bilan uchinchi o'rinni band qilgan. 4–6 o'rinlarni mos ravishda Suriya (8 ochko), Xitoy (5 ochko) va Qatar (4 ochko) termalari egallagan.