Javlon Mirabdullaev katta futbolga qaytdi

Bugun O'zPFL elon qilgan ro'yxatga ko'ra klub, quyidagi futbolchilarni ro'yxatdan o'tkazdi.

Ko'rinib turibdiki, ularning orasida muxlislarga juda yaxshi tanish bo'lgan Javlon Mirabdullaev ham bor.  Futbolchining so'nggi jamoasi "Bunyodkor" bo'lgan, u jarohat sabab 2017 yilgi mavsumdan so'ng katta futbol bilan xayrlashgan edi. Boz ustiga "Metallurg" uning uchun begona emas. Javlon 2014 yilning ikkinchi yarimi va 2015 yilni to'liq bekobodliklar safida o'tkazgan. Undan avval esa bir davra "Andijon"da to'p tepgandi. 2016 yil "Bunyodkor"ga qaytgan futbolchi 1ta o'yinda maydonga tushgan va jarohat sabab mavsumning qolgan qismini o'tkazib yuborgandi. 

Eslatib o'tamiz, Javlon Mirabdullaev 2010 yil O'zbekiston o'smirlar terma jamoasi safida Toshkentdagi Osiyo chempionatida kumush medallariga ega chiqqan. 2011 yil esa Meksikadagi U-17 Jahon chempionatida ishtirok etgandi.