Jasur Hasanov "uyi"ga qaytdi
13 iyu 2019 13:52
Yangiliklar

Jasur Hasanov "uyi"ga qaytdi

Teglar : "So'g'diyona"Jasur Hasanov AGMK

Jizzaxning "So'g'diyona" jamoasi davralar oralig'ida o'z tarkibini tajribali yarim himoyachi, qanot vingeri Jasur Hasanov bilan kuchaytirdi.

Mavsumni AGMK safida boshlagan Jasur Hasanov birinchi davra yakuniga etmasdanoq olmaliqliklar bilan xayrlashgandi. Bu haqda avvalroq xabar bergandik.

Futbolchi kutilganidek ikkinchi davrani o'z tug'ilib o'sgan shahri jamoasi "So'g'diyona"da o'tkazadigan bo'ldi. Uzoq davom etgan muzokaralardan so'ng har ikkala tomon kelishuvga erishgan va futbolchi "So'g'diyona" bilan shartnoma imzolagan.

Qayd etish kerakki, Jasur Hasanov faoliyatini aynan Jizzaxning "So'g'diyona" jamoasida boshlagan. Jasur Hasanov shuningdek "Navbahor", "Mashal", "Bunyodkor", "Lokomotiv", "Qizilqum", "Nasaf" va AGMK safida ham o'ynashga ulgurgan. Futbolchi Qatar chempionati vakillari "Lahviya" hamda "Qatar SK" klublari, shuningdek BAAning "Emireyts" jamoasida ham bir muddat to'p tepgan.

SHu tariqa 2002 yili "So'g'diyona"ni tark etgan futbolchi oradan 17 yil o'tib yana eski jamoasi "So'g'diyona"ga qaytdi.

Havola :

Manba : championat.asia

Yangiliklarni Telegramda o'qing!

Reyting: -60