Jamshid Saidov: "Bugun futbolchilar o'z darajasidan past tarzda harakat qilishdi"

“Bugungi uchrashuv aynan mana shunday asabiy tarzda kechishini bilardik. Birinchi davrada “Dinamo” sharafini himoya qilganlarning bir nechtasi “Buxoro”ga o'tishdi, bundan tashqari har ikkala jamoa uchun har bir ochko oltinga teng edi. SHu sabablarning barchasi bugungi o'yinnni manashunaqa agressiv va asabiy bo'lishiga olib keldi.Bugun ham imkoniyatlarimizni ko'kka sovurdik. Bizda bir nechta golga tortadigan vaziyat bo'ldi, afsus ulardan foydalana olmadik”-dedi Saidov.

-Smolyachenkoning bosh bilan bergan zarbasidan so'ng to'p darvoza to'siniga, keyin darvoza chizig'iga borib tushdi. Ushbu vaziyatda bizning nazarimizda to'p chiziqni kesib o'tgan edi. Sizningcha bu vaziyatda gol bo'lganmidi?

-Hozir aniq javob berish juda qiyin. Men hali videoni takror ko'rganim yo'q. Biz o'tirgan nuqtadan xuddi-ki to'p darvoza chizig'ini kesib o'tganday bo'ldi va gol borga o'xshadi, lekin hakam o'yinni davom ettirish kerakligini ko'rsatdimi, demak gol bo'lmagan.

Bugun barcha futbolchilar nimagadir o'z darajasidan past tarzda harakat qilishdi. O'yindan oldin futbolchilarda ruhiy holat yaxshi edi, lekin nima bo'ldi ularga tushunolmadim. Balki stadiondagi muhit, xususan muxlislar tomonidan ularga nisbadtan juda ko'plab provakacion hayqiriqlar bo'lgani ularni o'z o'yinlarini namoish etishga to'sqinlik qilgandir. Bundan tashqari hamma ko'rib turibdi, raqiblarimiz ochiqchasiga ularni qo'polliklar bilan to'xtatib, ruhiyatiga tasir o'tkazib turishdi.

Bizda orqaga yo'l yo'q, kelasi uchrashuvlarda juda qiyin bo'ladi, lekin biz har bir uchrashuvga jiddiy hozirlik ko'ramiz va faqat g'alaba uchun maydonga chiqamiz.