Jahongir Usmonov - Ezgu maqsad xalqaro xayriya fondiga boshqaruv raisi etib tayinlandi

Bu lavozimni endilikda marhum senator, davlat va jamoat arbobi Mirabror Usmonovning o'g'li Jahongir Usmonov egalladi.

Fond mamlakatimizda sog'lom avlodni tarbiyalash, aholining ijtimoiy himoyaga muhtoj qatlami, bemor va imkoniyati cheklanganlarni moddiy hamda manaviy qo'llab-quvvatlash, ularni mamlakat ijtimoiy-siyosiy hayotida to'laqonli ishtiroki uchun zarur shart-sharoitlar yaratish kabi qator ezgu ishlarni amalga oshirib kelmoqda. Fond tashkil etilganiga ko'p vaqt o'tmagan bo'lsa-da (2017 yil), respublikamiz va xorijiy shifoxonalarda zamonaviy va sifatli tibbiy yordam ko'rsatilishi orqali 50 kishining hayoti saqlab qolindi, ular orasida ko'plab voyaga etmagan jajji vatandoshlarimiz ham bor.

«Ezgu maqsad» xalqaro xayriya fondining yangi rahbari Jahongir Mirabrorovich Usmonov 1968 yil Toshkent shahrida tug'ilgan. Malumoti oliy. U Toshkent irrigaciya va qishloq xo'jaligini mexanizaciyalash muhandislari instituti hamda Avstraliya biznes kollejini tamomlagan.

Jahongir Usmonov 1995 yildan buyon «ARDUS» qo'shma korxonasining bosh direktori va «ILK PLYUS» investorlar uyushmasi azolari umumiy yig'ilishi boshqaruvi raisi vazifalarida ham ishlab kelmoqda. SHuningdek, u mazkur fond tashkil etilgandan buyon boshqaruv azosi hisoblanadi.

U 10 yildan ortiq vaqt mobaynida O'zbekiston futzal Associaciyasi vice-prezidenti lavozimida ishlagan. Faoliyati davomida futzal bo'yicha mamlakat milliy terma jamoasi bir necha marta Osiyo chempionati sovrindori bo'lishi barobarida O'zbekiston tarixida ilk bor jahon chempionatida ishtirok etish huquqini qo'lga kiritgan. Hozirda u Osiyo futbol konfederaciyasi qo'mita azosi ham hisoblanadi.

Jahongir Usmonov sport sohasida erishgan yutuqlari uchun «O'zbekiston Respublikasida xizmat ko'rsatgan sport ustozi» faxriy unvoni bilan taqdirlangan.

Aytish joizki, «Ezgu maqsad» xalqaro xayriya jamoat fondi aholining ijtimoiy himoyaga muhtoj qatlami, bemor va imkoniyati cheklanganlarni moddiy hamda manaviy qo'llab-quvvatlash kabi tashabbuskorlik qilishda imkon qadar jonbozlik ko'rsatmoqda. Umidsizlarga umid, bemorlarga salomatlik, moddiy yordam ko'rsatib, ularning yuzidagi tabassum, ko'zidagi quvonch, orzulari ro'yobi uchun qanot bo'lmoqda.