Ivan Boshkovich: "Bugun yomon o'ynamadik, ammo..."

- O'yin haqida...

- "So'g'diyona" jamoasi bugun yomon o'ynamadi. Vaziyatlardan foydalana olmadik. SHunday o'yinlarda ko'p ochko yo'qotyapmiz. Biz yaxshiroq o'yin namoyish eta olishga qodirmiz. Birinchi taymda raqib deyarli vaziyat yaratmadi. Penaltidan gol o'tkazib yubordik. Individual xato sabab darvozamizga penalti belgilandi va raqib bundan unumli foydalandi. Qanday o'yin namoyish etganimizdan qatiy nazar, mag'lub bo'ldik. Futbolda o'z vaziyatlaringizdan foydalanmasangiz, sizni jazolashadi. Raqibimizni g'alaba bilan tabriklayman. oldimizda 3 ta o'yin bor va mavsumni yaxshi kayfiyatda tugatishga harakat qilamiz. Bunga kuchimiz etadi. Har bir uchrashuvda maksimal darajada o'ynash kerak. Bugungi uchrashuvni tahlil qilib chiqaman. Hozirgi emociyada nimadir deyish noto'g'ri. O'zimizga kelib olsak, keyin xulosaga kelamiz.

- Penalti belgilangan vaziyatda darvozabon qo'pol xatoga yo'l qo'ydi. Darvozaboning xatosi sabab mag'lub bo'ldik deb o'ylaysizmi?

- U vaziyatni yaxshi ko'rmadim. Keyin takroran ko'rib chiqaman. Darvozabon o'z maydonchasi ichida oddiyroq o'ynashi kerak. Ertaga vaziyatni ko'rib chiqamiz va xulosaga kelamiz.

- To'purar Zenan Zaymovich nega qaydnomada yo'q?

- Unda jarohat bor. Birinchi davrada "Nasaf"ga qarshi kechgan uchrashuvda jarohatlangan edi. O'sha uchrashuvdan keyin u bir nechta o'yinda ishtirok etdi va jamoaga yordam berdi, ammo hozir maydonga tusha olmaydi. Faqatgina jarohati sabab bellashuvlarni o'tkazib yubormoqda.