Isroil Tursunov: "Biz uchun ham, raqiblarimiz uchun ham qiyin o'yin bo'ldi"
31 mar 2014 14:04
Yangiliklar

Isroil Tursunov: "Biz uchun ham, raqiblarimiz uchun ham qiyin o'yin bo'ldi"

O'zbekiston kubogidan o'rin olgan "Paxtakor-2" hamda "Istiqlol" jamoalari o'rtasidagi uchrashuvda "Istiqlol" hujumchisi Isroil Tursunov dubl qayd etdi va uchinchi golga assissentlik qildi.

O'yindan so'ng uning fikrlari bilan qiziqdik.
- Bugun biz uchun ham, raqiblarimiz uchun ham juda qiyin o'yin bo'ldi. Maydonning holati yaxshi emasligi etmagandek, kuchli shamol ham uchrashuvga katta tasir o'tkazdi.
Jamoani qiyin vaziyatdan chiqib ketishiga o'z hissamni qo'shganimdan hursandman. Bugungi samarali o'yin o'zimga bo'lgan ishonchni yanada oshiradi.

- Jismoniy jihatdan mavsumga tayyormisiz?
- Hozir jismoniy holatim yaxshi va mavsumga tayyorman.

- Keyingi vazifa qanday?
- Kubokda keyingi bosqichga yo'l oldik, endi esa chempionatning birinchi turi haqida o'ylashimiz kerak. Dastlabki turlarni safarda o'tkazishimiz esa biroz noqulaylik tug'diradi. Vazifa - ana shu o'yinlarda maksimal ochko to'plash.

Tolibjon Qosimov suhbatlashdi

Havola :

Manba : championat.asia

Yangiliklarni Telegramda o'qing!

Reyting: