Iroq U-20 terma jamoasi bosh murabbiyi: "Eronga qarshi o'yinimiz - bu derbi"
10 mar 2023 20:49
Yangiliklar

Iroq U-20 terma jamoasi bosh murabbiyi: "Eronga qarshi o'yinimiz - bu derbi"

U-20 Osiyo kubogining chorak final bahslari oldidan matbuot anjumani tashkil etildi. Iroq U-20 terma jamoasi bosh murabbiyi Emad Muhammad matbuot anjumanida ishtirok etib, o'z fiklari bilan bo'lishdi.

- Jamoangiz bosib o'tgan yo'l haqida gapirsangiz, ertangi uchrashuv qanchalik muhim?

- Biz birinchi saralash bosqichidan o'tib oldik, yani guruhdan chiqdik. Raqibning ko'p jihatlarini o'rganib chiqdik va biz Eron futboliga juda katta baho beramiz. Eron chempionatida o'ynaganman va ularning kuchini bilaman. Ertangi uchrashuvga bor etiborimizni qaratamiz va g'alaba qozonishga intilamiz. Ushbu bosqichda oson raqiblar qolmadi. CHorak final biz uchun so'nggi bosqich bo'lmaydi, deb umid qilaman. Janubiy Koreya, Eron, Yaponiya va Avstraliya terma jamoalarini alohida etirof etgan bo'lardim. Nasib etsa, ertaga jahon chempionatiga chiqamiz.

- O'z jamoangiz va raqib jamoaning zaif tomonlari haqida aytib o'tsangiz?

- Bizda bir nechta kamchiliklar bor va ularni to'g'irlashga harakat qilamiz, ammo shu bilan birga raqiblarning ham zaif jihatlari yo'q emas. Hech kim mukammal o'yin namoyish etmaydi. Bu futbol qonuni. Eron - qo'shnimiz va ularga qarshi uchrashuvlar derbi maqomida o'tadi.

Havola :

Manba : championat.asia

Yangiliklarni Telegramda o'qing!

Reyting: +1