Intervyu. Murot Yakin: “Ruslar boylik bilan faxrlanishni yoqtirishadi”

– Moskvada bir yillik faoliyatdan keyin yana SHveycariyaga qaytdingiz. Rus mentalitetini namoyish etadigan biror esda qolarli voqeani aytib bersangiz.
– Biz o'tirib tushlik qilyapmiz. Restoran oldiga uchta qora mashina boshqaruvida qimmatbaho avtomobil kelib to'xtadi. Xuddi Jeyms Bond filmlaridagi singari. Birdaniga bir necha qo'riqchi paydo bo'lib, restoranga nazar solishdi. Keyin esa mashinadan bir erkak tushib, qo'riqchilar hamrohligida restoranga kirib keldi. Uning kim ekanligi barchaga qiziq edi. O'sha odam jamoatchilik uchun umuman notanishligi malum bo'ldi. Bu shunchaki shou edi. Bu odatiy hol: ruslar boyliklari bilan maqtanishni xush ko'rishadi. Bunday holatni SHveycariyada umuman kuzatmaganmiz.

– Rossiyadagi sarguzashtlaringiz yakunlandi. Omadsizlikka yuz tutdingizmi?
– Bu haqida boshqalar aytishlari kerak. Bu qanday qarashga bog'liq. Men bunday deb o'ylamayman. “Spartak” men uchun yaxshi tajriba bo'ldi.

– Unda klubdan ketishingizning sababi nimada?
– Ko'p narsalar bilan. Iqtisodiy muammoning ham tasiri sezildi. Klub ichida ham kutilmagan narsalar ro'y berdi. Klub prezidentining istefoga chiqishini kutmagandim. Uning qarori tufayli bosh direktor bilan shartnoma uzaytirilmadi. Bu men uchun klubda katta o'zgarishlar bo'lishidan darak beruvchi belgi edi.

– Demak, bo'shatilmaslik uchun shunday qarorga keldingizmi?
– Vaziyat mening foydamga ko'rinish olmadi. Qisqa vaqtda ko'p narsalar o'zgardi. “Spartak”dagi prezidentning ketishi elon qilingach, vaziyat notinch edi. Klub rivojlanishning boshqacha yo'nalishini tanlashini bildim. Bunday holatda bo'ronni kutish ham mumkin, yoki ertaroq harakat qilib, kelajak to'g'risida suhbatlashib olish mumkin.

– Qishda yangi transferlarga vada berishgandi. Buning o'rniga tarkib qisqartirildi. Sizning ustingizdan kulishdi deb aytish mumkinmi?
– Albatta, jamoa sifatini yo'qotgani yaxshi emas. Biroq shunchaki shikoyat qilish yordam bermaydi. Klub rahbariyati bilan urushib, ko'p kunni yo'qotish mumkin. Yoki senda bor narsadan maksimum foyda chiqarishga urinib ko'rish kerak.

– Armanistonlik Ozbiliz sizning turk ekaningiz sababi o'yin amaliyotiga ega bo'lmagani haqida gapirdi. Jiddiy ayblov!
– Meni racizmda ayblash bilan bog'liq bu voqea meni ajablantirdi. Juda hissiyotli emasman, biroq bu qalbimni yaraladi. O'ylab topilgan ayblov umuman kerak emasdi.

– Nima sizda ko'proq taassurot qoldirdi?
– Rossiya to'g'risida ko'p gaplarning yolg'on ekanligi. U erda odamlar juda ochiq, muloqotga shay. Atrofga tez ko'nikib ketdim, meni shunchaki chet ellik murabbiy sifatida qabul qilishmadi. Bu qiyinroq bo'ladi deb o'ylagandim.

– Tanaffus olmoqchi ekaningizni aytdingiz. Ruhingiz tushib ketdimi?
– Yo'q, hayotda barcha o'ylar bilan bir qarorga kelish uchun vaqt topish lozim. Hozir birinchi navbatda tatilga jo'nayman va boshdan o'tkazganlarimni yo'qqa chiqaraman.

– Hozir kun tartibingiz qanday? Qizingiz uyda ko'proq bo'lishingizdan xursand bo'lsa kerak?
– Qizim meni tez-tez ko'rishidan xursand bo'lishini tasdiqlay ham, rad eta ham olmayman. U hali gapirmaydi (kuladi). Lekin u bilan kundan-kunga rohatlanayotganimni ayta olaman.

– Uning holati qanday?
– Ajoyib, barchasi yaxshi. U tez o'smoqda. Arava bilan yurganda jarohat olmasligi uchun kuzatishga to'g'ri keladi.

– Xorijda biror klubni boshqarishni istaysizmi yoki SHveycariyada ishlashni xohlaydigan klubingiz bormi?
– Bu to'g'rida o'ylab ko'rmadim. Kichik bola bilan tatilga ketayotgan odamda qanchalik ish ko'pligini bilsangiz, menda qanchalik asabiylashish borligini tushunardingiz.

– “Yang Boyz” – variantlardan birimi?
– Hozir aytadiganlarim noto'g'ri bo'lishi mumkin. Bu jamoaga jiddiy qarayman va o'ylaymanki, klub keyingi mavsumda chempionlik uchun kurashda birinchi qatorlarda bo'ladi.



Behzod NAZAROV tayyorladi.