Ilyos Zeytullaev: "Men boshqa klubga ijaraga ketaman"

Ammo turinliklar Zeytullaevni bugunning o'zidayoq boshqa klubga ijaraga berishni rejalashtirgan.

- Faoliyatimni davom ettirish uchun "S-1" seriyadan jamoalar bor edi. "B" seriyadan ham klublar yo'q emasdi. Ammo o'yin amaliyotiga ega bo'lish uchun ko'proq maydonga tushish imkoniyatini beradigan klub safiga borib qo'shilishni rejalashtirib yurgandim. "S-1" seriyada o'ynashdan naf ko'rmadim. Agar real baho beradigan bo'lsam, oliy ligamizdan "Bunyodkor", "Lokomotiv" va "Paxtakor" bugungi kuchi bilan "B" seriyada o'ynay oladilar. "A"da esa autsayder bo'lishlari mumkin. Agar jamoa chiqmaganida faoliyatimni O'zbekistonda davom ettirishni o'ylayotgan edim. Buni qarangki, kecha kutilmagan xabarni eshitdim.

- Italiya saytlari Sizni boshqa klubga ijaraga berilishingiz mumkinligi haqida yozishyapti?
- Keling, vaziyatga xolisona baho beramiz. "Torino" hozir ajoyib jamoa sifatida shakllangan va ular "A" Seriyada oltinchi o'rinni egallab turibdilar. Bu tarkibdan joy olish qiyin. SHuning uchun Portugaliya yoki Xorvatiya jamoalaridan biriga o'tsam kerak. Bugun-erta taqdirim hal bo'ladi. Nima bo'lganda ham, jamoasiz qolmasligim kerak.

Nodirxo'ja Yuldashev