Ilhom Mo'minjonovning diskvalifikaciya muddati yakunlandi, endi u istagan jamoada ishlay oladi
01 jan 2021 21:03
Yangiliklar

Ilhom Mo'minjonovning diskvalifikaciya muddati yakunlandi, endi u istagan jamoada ishlay oladi

2019 yilning 1 aprelida O'FA Etika qo'mitasi tomonidan "Navbahor" futbol klubining sobiq bosh murabbiyi Ilhom Mo'minjonov 4 yil muddatga futboldagi har qanday faoliyatdan chetlashtirilgan edi.

2020 yilning 3 yanvarida "Surxon" futbol klubi Etika qo'mitasiga Ilhom Mo'minjonov ishini qayta ko'rib chiqishni so'rab murojaat qilgan. Mazkur murojaatda "Surxon" futbol klubi kafil sifatida Ilhom Mo'minjonovning diskvalifikaciyasi bo'yicha qarorni qayta ko'rib chiqib, uning murabbiylik faoliyati tiklanishi so'ralgan.

Mazkur murojaat O'FA Etika qo'mitasi tomonidan atroflicha o'rganib chiqilib, Ilhom Mo'minjonovga nisbatan qo'llanilgan 4 (to'rt) yil muddatga futboldagi har qanday faoliyatdan chetlashtirish intizomiy jazo chorasi qisqartirilgan va uning diskvalifikaciyasi 2020 yilning 31 dekabriga qadar amal qildi.

Malumot uchun, oldinroq Mo'minjonov Farg'onaning "Neftchi" klubi bosh murabbiyiga aylanishi haqida xabar chiqqan edi.

Havola :

Manba : championat.asia

Yangiliklarni Telegramda o'qing!

Reyting: +8