Iguain: "Messi MLSda inqilob qilishi mumkin"

Sobiq “Real Madrid” hujumchisi agarda Lionel Messi MLS futbolchisiga aylansa, bu butun chempionatning o'zgarishiga olib kelishi haqida fikr bildirdi. U PSJ yulduzi Qo'shma SHtatlarda o'zini erkin his qilishini aytib o'tdi. Messi Argentina terma jamoasi bilan Mayamida mashg'ulot o'tkazdi. Hozirda “Inter Mayami”da o'ynayotgan Iguain bu haqda:

“U allaqachon bu erda (Mayamida) shug'ullandi, ushbu joyni o'rganib oldi. Leo xuddi Maradonaga o'xshaydi, bir joyda ko'p yashay olmaydi. U o'zi uchun mustaqil qaror beradi, biroq bu erga kelsa, hech shubhasiz, g'ayrioddiy inqilobga sabab bo'ladi”, dedi.

35 yoshli Messining Parij klubi bilan shartnomasi yozda nihoyaciga etadi. Xabarlarga ko'ra, 7 karra “Oltin to'p” sohibi kelajagi borasida JCHdan keyin qaror beradi. Agar chindan ham Messi AQSHga yo'l oladigan bo'lsa, bu Devid Bekhemdan keyingi eng yirik MLS bitimi bo'ladi. Yozda Garet Beyl va Jorjo Kellinilar ham MLSga qo'shilgan edi.