Igor Sergeev: "Golimni O'zbekiston xalqiga bag'ishlayman"

“Bugun gol urganimdan juda xursandman. Hujumchi birinchi navbatda maydonga gol urish uchun tushadi va undan bu narsani kutishadi. Meni yaqqol hujumchi sifatida maydonga tushurishdimi, gol urishga harakat qilishim shart. Bugun ob-havo tufayli o'yinga kirishib ketish juda qiyin bo'ldi. Birinchi 20 daqiqada yugurish ancha mushkul bo'ldi keyin esa, o'z o'yinimizni topdik va g'alaba qozona oldik. Gol urilgan vaziyatda, to'p darvozaga borib tushishini kutmagandim. Men yiqilayotgandim va vaziyatni yaxshi ko'ra olmadim. Aniq uzatma uchun Denisovga katta rahmat. Bunday uzatmalar hujumchilarga juda yoqadi. Golimni esa butun O'zbekiston halqiga bag'ishladim”, - deydi Igor Sergeev.