Hamidjon Aktamov: "Muxlislarimizga quvonch ulashganimizdan xursandmiz"

- CHempionat jadvalida yonma-yon borayotgan jamoalar uchrashuvi doimo keskin va murosasiz kechgan, - dedi Hamidjon G'ulomovich. - "Navbahor" har jihatdan o'z tarkibiga tajribali va mahoratli futbolchilarni jamlagan jamoalardan sanaladi. Uchrashuv oldidan namanganliklar ishtirokida o'tgan bir necha o'yinlarni o'rganib, tahlil qildik. Navoiydagi o'yin oson o'tmasligini avvaldan bilardik.  

- Garchi, uchrashuvda tezkor gol kiritgan bo'lsak-da, raqibimizning qisqa fursatda muvozanatni tenglashtirgani jamoamiz azolarini hushyorlikka undadi. Golga tortadigan ko'plab imkoniyatlar yuzaga kelmoqda. Afsuski, yigitlar barchasidan unumli foydalana olishyapti, deya olmayman. SHunga qaramay, hujumchimiz Bahriddin Vahobovning maydonda ishonchli o'yin namoyish etayotganligi barchamizni xursand qilmoqda.

- Etiborlisi, bu yilgi mavsumda bir g'alaba jamoani chempionat jadvalida mavqeini yaxshilasa, aksincha mag'lubiyat quyi pog'onaga yaqinlashtirib qo'yishi hech gap emas. Bugun faqat g'alaba ishtiyoqida maydonga tushgandik. Maqsadimizga erishganimizdan, muxlislarimizga quvonch ulashganimizdan xursandmiz. Oldinda yanada muhim uchrashuvlar kutib turibdi. Unda raqibimiz qaysi jamoa bo'lishidan qatiy nazar faqat muvaffaqiyat qozonish uchun maydonga chiqamiz.