Halokatli to'qnashuv sodir bo'lgan stadion Afrika kubogi chorak finaliga mezbonlik qilmaydi
25 jan 2022 19:15
Yangiliklar

Halokatli to'qnashuv sodir bo'lgan stadion Afrika kubogi chorak finaliga mezbonlik qilmaydi

Kamerun va Komor orollari terma jamoalari o'rtasidagi Afrika Millatlar kubogi 1/8 final o'yini futbol bayrami o'rniga fojiaga aylandi.

Sakkiz nafar muxlis arenaga kiraverishdagi tirbandlikda halok bo'ldi. O'nlab odamlar yaralangan, bazilari og'ir ahvolda.

Uchrashuv bo'lib o'tgan "Olembe" stadioni yakshanba kungi Afrika kubogi chorak finaliga mezbonlik qilmaydi. Bu haqda Afrika futbol konfederaciyasi prezidenti Patris Motsepening so'zlariga tayanib, jurnalist Rob Xarris o'zining Tvitterdagi sahifasida malum qildi. Ishtirokchilar hali aniqlanmagan ushbu o'yin Yaunde shahridagi boshqa arena — "Ahmad Axidjo"da bo'lib o'tadi.

Aytish joizki, "Olembe" stadionida Afrika Millatlar Kubogining final va yarim final uchrashuvlaridan biri ham bo'lib o'tadi.

Havola :

Manba : championat.asia

Yangiliklarni Telegramda o'qing!

Reyting: